کراچی(آئی این پی ) عوامی مسلم لیگ کے سربراہ شیخ رشیداحمد نے کہا ہے کہ سی پیک جاری رہے گا کوئی اس کو روکنے والا نہیں،پاکستان کو اب ہمیں غریب کا پاکستان بنانا ہے،نواز شریف نے ملک کو تباہ کردیا ،چالیس سال سے ملک تباہ کرنے والے اب سکون سے نہیں بیٹھیں گے،الیکشن پر اس لیے سوال ہیں کہ الیکشن فضل الرحمان نہیں جیت سکے۔پریس کانفرنس کرتے ہوئے شیخ رشید نے کہا کہ عمران خان پر عوام نے بہت بڑی ذمے داری ڈالی ہے،پاکستان کو اب ہمیں
غریب کا پاکستان بنانا ہے اورسی پیک جاری رہے گا کوئی اس کو روکنے والا نہیں،نئے پاکستان میں کرپشن کی جڑیں اکھاڑ دیں گے۔انہوں نے کہا کہ نواز شریف نے ملک کو تباہ کردیا ہے،ملک میں کوئی این آر او نہیں ہورہا،چالیس سال سے ملک تباہ کرنے والے اب سکون سے نہیں بیٹھیں گے،الیکشن پر اس لیے سوال ہیں کہ الیکشن فضل الرحمان نہیں جیت سکے۔شیخ رشید کا مزید کہنا تھا کہ اسی فیصد سیاستدان نیب کی زد میں ہیں،ابھی تو شہباز شریف کو بھی نیب کے ہاتھ آنا ہے۔
