لاہور(سی پی پی) پاکستان مسلم لیگ نواز کی سابق ایم پی اے حنا پرویز بٹ کی جانب سے اسد عمر کیلئے جلد صحتیابی کی دعا کی گئی ہے۔ٹویٹر پر اپنے پیغام میں حنا پرویز بٹ نے اپنے پیغام میں اسد عمر کو ویل چئیر پر بیٹھے ان کی تصویر کے ساتھ ٹیگ کرتے ہوئے جلد صحتیابی کی دعا کی ہے اور ان کے لیے نیک خواہشات کا اظہار کیا ہے یاد رہے کہ متوقع وزیر خزانہ اسد عمر بڈھانہ گاؤں میں گھوڑے سے گر کر زخمی ہو گئے تھے۔
وہ نواحی گاؤں میں استقبالیہ تقریب میں شرکت کے لئے گئے تھے جہاں انہیں مقامی روایت کے مطابق گھوڑے پر بٹھایا جارہا تھا کہ وہ رکاب میں پاؤں رکھتے ہوئے پھسل گئے۔حادثے کے بعد انہیں فوری ہسپتال منتقل کیا گیا ، ابتدائی علاج کے بعد ان کو گھر بھجوا دیا گیا، تر جمان کے مطابق مقامی کار کنوں کی جانب سے انتخابات میں کامیابی کے بعد استقبالیہ تقریب کا اہتمام کیا گیا تھا ،یاد رہے کہ اسد عمر کو پہلے بھی کمر کی تکلیف تھی۔
