اسلام آباد(سی پی پی )ہائر ایجوکیشن کمیشن نے 10 سال بعد ڈگری ویری فکیشن پالیسی میں بڑی تبدیلی کر دی ہے۔ امیدواروں کو ڈگری کیساتھ میٹرک ایف اے اور دیگر اسناد جمع نہیں کرانی پڑیں گی۔پیر کو ہائر ایجوکیشن کمیشن (ایچ ای سی )کی جانب سے جاری کردہ نوٹیفکیشن میں بتایا گیا کہ امیدواروں کو ڈگری کیساتھ میٹرک ایف اے اور دیگر اسناد جمع نہیں کرانی پڑیں گی۔
اب امیدوار کو صرف وہی ڈگری جمع کرانا ہوگی جس کی تصدیق درکار ہے، ہائرایجوکیشن کمیشن دیکھے گا کہ کیا ڈگری منظور شدہ ادارے کی جاری کردہ ہے اور کیا اس ادارے کو ڈگری جاری کرنے کا قانونی اختیار تھا۔ایچ ای سی نے 10 سال پہلے سیاستدانوں کے جعلی ڈگری اسکینڈل کے بعد ڈگری کیساتھ میٹرک ایف اے اور دیگر اسناد کی شرط لگائی تھی۔ اس کی وجہ سے لاکھوں ڈگریوں کی تصدیق نہیں ہوسکی تھی۔
