لاہور(آئی این پی) پیپلز پارٹی پنجاب کے صدر قمر زمان کائرہ نے کہا کہ تحر یک انصاف کی حامی جماعتیں بھی دھاندلی کاشورمچارہی ہیں‘ تمام کوششوں کے باوجودعمران خان کوسادہ اکثریت نہیں ملی۔میڈیا سے گفتگو میں قمر الزمان کائرہ نے کہا کہ الیکشن میں وسیع پیمانے پردھاندلی کی گئی،عمران خان حلف لینے سے پہلے یوٹرن لے رہے ہیں،پی ٹی آئی کی حامی جماعتیں بھی دھاندلی کاشورمچارہی ہیں،تمام کوششوں کے باوجودعمران خان

کوسادہ اکثریت نہیں ملی،کوشش ہوگی کہ حکومت بنائیں، متعددپولنگ اسٹیشن پرفارم 45 نہیں دیئے گئے، تو ہم کیسے مان لیں کہ الیکشن میں دھاندلی نہیں کی گئی۔انہوں نے کہا کہ پنجاب میں اپوزیشن میں بیٹھیں گے،پیپلزپارٹی نے پنجاب میں بہترکاکردگی دکھائی،وفاداریاں تبدیل کرانے کے باوجودپیپلزپارٹی پنجاب میں زندہ ہے، جمہوریت کیلئے پہلے بھی لڑے آئندہ بھی لڑیں گے، عمران خان کے مثبت کاموں میں رکاوٹ نہیں ڈالیں گے۔