اسلام آباد (این این آئی) پاکستان تحریک انصاف کے رہنما میاں محمود الرشید نے دعویٰ کیا ہے کہ وزارت اعلیٰ، کابینہ کا اعلان 48 گھنٹوں میں ہو جائیگا، یقین ہے عوام پنجاب سے متعلق عمران خان کے فیصلے سے مایوس نہیں ہونگے۔محمودالرشید نے میڈیا سے گفتگو کرتے ہوئے کہاکہ ہماری حکومت کے پہلے 100 دن پاکستان پیپلزپارٹی اور نون لیگ دور سے
بہتر ہونگے، فضل الرحمان کو پہلی بار اپوزیشن میں رہنا ہضم نہیں ہو رہا، مرکز کے بغیر پیپلز پارٹی کو سندھ چلانا مشکل ہو جائیگا۔ انہوں نے کہا پیپلز پارٹی سپیڈ، ڈیزل اتحاد سے خود کو جلد الگ کر لے گی، مکروہ عزائم پر مشتمل اتحاد کو بھی عوام مسترد کر دیں گے، سپیکر اور وزیراعظم کے انتخاب میں اپوزیشن بنچوں سے بھی ووٹ ملیں گے۔
