فیصل آباد(سی پی پی)فیصل آ بادمیں کینال روڈ پر سابق رکن قومی اسمبلی میاں محمد فاروق کے بیٹے نے شراب کے نشہ میں دھت ہو کر شہری کو تشدد کا نشانہ بنانے کے ساتھ قیمتی گاڑی کی توڑ پھوڑ کرتے ہوئے کار سے لیپ ٹاپ اور ضروری کاغذات اڑا لئے ، پولیس تھانہ مدینہ ٹاؤن نے شہری کی مدعیت میں سابق رکن قومی اسمبلی میاں محمد فاروق کے بیٹے اور ساتھی کیخلاف مقدمہ درج کر لیا ہے ، تھانہ مدینہ ٹاؤن میں درج کرائے جا نے والے مقدمہ میں رضا گارڈن کینال روڈ
کے رہائشی منور احمد نے موقف اختیار کیا ہے کہ وہ کار میں جا رہا تھا کہ ملزم فہد فاروق اور اس کے ساتھی نے ان کی کار کے ساتھ اپنی گاڑی ٹکرا دی جس سے اس کی کار کو شد ید نقصان پہنچا ، ملزمان اسلحہ لیکر گاڑی سے باہر نکلے اور اس کو دھمکیاں دینا شروع کر دیں ، منور جان بچا نے کیلئے اپنے گھر میں داخل ہو گیا لیکن ملزمان بھی اسکے تعاقب میں گھر میں گھس آ ئے تاہم موقع پرموجود شہریوں نے مداخلت کرکے اس کی جان بچائی ، ملزمان فرار ہو گئے۔
