پنجاب میں حکومت سازی کیلئے تحریک انصاف نے مطلوبہ ہدف حاصل کرلیا ، 30میں سے کتنے آزاد امیدوار شامل ہوگئے؟جہانگیر ترین نے بڑی خبر سنادی اسلام آباد(آئی این پی )پاکستان تحریک انصاف کے سینئر رہنما جہانگیر ترین نے کہا ہے کہ پنجاب میں

حکومت سازی کیلئے پی ٹی آئی نے مطلوبہ ہدف حاصل کرلیا ہے، پنجاب میں 30میں سے 18آزاد امیدوار ہمارے ساتھ شامل ہوچکے ہیں،قومی اسمبلی میں رکن منتخب ہونے والے آزاد میدوار پی ٹی آئی میں شمولیت اختیار کرچکے ہیں، ہم سب کے ساتھ مل کرچلیں گے۔ وہ منگل کو میڈیا سے گفتگو کررہے تھے، انہوں نے کہا کہ بہاولنگر سے آزاد امیدوار ملک عمر فاروق نے پی ٹی آئی میں شمولیت کا اعلان کیا ہے۔ اجمل چیمہ اور ملک عمر فاروق کو شمولیت پر مبارکباد دیتا ہوں۔ اجمل چیمہ نے آزادحیثیت سے لڑ کر ایک پرانی سیاسی فیملی کو شکست دی ۔ پنجاب میں 30میں سے 18آزاد امیدوار پی ٹی آئی میں شامل ہوچکے ہیں۔ رہنما پی ٹی آئی نے کہا کہ ہم سب کے ساتھ ملک کر چلیں گے۔ قومی اسمبلی میں 13آزاد امیدواروں میں سے 6,7امیدوار ہمارے ساتھ مل چکے ہیں۔ پنجاب میں حکومت سازی کیلئے مطلوبہ ہدف حاصل کرلیا ہے۔ فیصلے کرنے کا اختیار عمران خان کے پاس ہے۔ جہانگیر ترین نے کہا کہ ہم نواز شریف کی صحت یابی کیلئے دعاگو ہیں۔