ٹوکیو/اسلام آباد(سی پی پی)جاپانی حکومت کی جانب سے عمران خان کو اور ان کی جماعت کو عام انتخابات میں کامیابی پر مبارکباد دی گئی ہے اور توقع ظاہر کی گئی ہے کہ نئی حکومت کے قیام سے جاپان اور پاکستان کے درمیان معاشی ،اقتصادی اور سیاسی طور پر تعلقات میں بہتری آئے گی۔
میڈیارپورٹس کے مطابق جاپان کی وزارت خارجہ کے اہم اور اعلی ذرائع نے توقع ظاہر کی ہے کہ سابق حکومت میں بھی پاکستان میں جاپانی سرمایہ کاروں نے کئی اہم منصوبوں میں سرمایہ کاری کی جبکہ اب بھی پاکستان میں سرمایہ کاری کیلئے کافی امکانات موجود ہیں اور جاپانی سرمایہ کاری کئی اہم منصوبوں میں سرمایہ کاری کرنا چاہتے ہیں جبکہ کئی اہم منصوبوں میں حکومت پاکستان کی دلچسپی ہو تو جاپان سے بڑی سرمایہ کاری پاکستان منتقل ہوسکتی ہے۔توقع ہے کہ عمران خان کی حکومت میں ماضی میں ادھورے رہ جانے والے معاملات کو آگے بڑھایا جاسکتا ہے ۔
