اسلام آباد (نیوز ڈ یسک) محکمہ موسمیات نے عیدالفطر کے چاند سے متعلق اپنی تازہ پیشگوئی جاری کر دی ہے،

جس کے بعد اندازہ لگایا جا رہا ہے کہ اس سال رمضان المبارک کے روزوں کی تعداد کیا ہو سکتی ہے۔محکمہ موسمیات کے مطابق 29 رمضان کو شوال کا چاند دکھائی دینے کے امکانات نہ ہونے کے برابر ہیں۔ اعلامیے میں بتایا گیا ہے کہ نیا چاند 19 مارچ کو صبح 6 بج کر 23 منٹ پر پیدا ہوگا اور اسی روز غروبِ آفتاب تک اس کی عمر تقریباً 12 سے 13 گھنٹے ہوگی، جو رویت کے لیے ناکافی سمجھی جا رہی ہے۔حکام کا کہنا ہے کہ 19 مارچ کی شام چاند نظر آنے کا امکان نہیں،

لہٰذا اگر یہ پیشگوئی درست ثابت ہوتی ہے تو رمضان المبارک 30 دن مکمل کرے گا اور عیدالفطر 21 مارچ، بروز ہفتہ منائے جانے کا امکان زیادہ ہے۔