لاہور(آن لائن)نگران وزیراعلیٰ پنجاب حسن عسکری نے کہا ہے کہ شہبازشریف قومی لیڈر ہیں اور اظہار رائے کا حق رکھتے ہیں تاہم پنجاب حکومت خلوص کے ساتھ ذمہ داریاں ادا کر رہی ہیں اگر کسی کو شکایت ہے تو ازالہ کریں گے اور جیلوں میں قیدیوں کو معیار کے مطابق سہولتیں دی جارہی ہیں۔تفصیلات کے مطابق اتوار کے روز میڈیا سے گفتگو کرتے ہوئے نگران وزیراعلیٰ پنجاب حسن عسکری نے کہا ہے کہ شہبازشریف قومی

لیڈر ہیں اور ان سمیت ہر شخص کو اظہار رائے کا حق حاصل ہے۔انہوں نے کہا کہ پنجاب کی نگران حکومت خلوص کے ساتھ اپنی ذمہ داریاں اداکررہی ہے اور تمام سیاسی جماعتوں اور امیدواروں کو انتخابات میں مساوی مواقع فراہم کئے گئے ہیں تاہم سیاسی جماعتیں حالات کے مطابق بیانیہ ترتیب دیتی ہیں اور وقتاً فوقتاً عدم اطمینان کا اظہار کرتی رہتی ہیں اگر کسی جماعت یا امیدوار کو کسی قسم کی شکایت ہے تو اس کا ازالہ کریں گے۔

موضوعات:حسن عسکری