اسلام آباد (آئی این پی ) پاکستان تحریک انصاف کے چیئرمین عمران خان نے کہا ہے کہ ن لیگ اور پیپلز پارٹی سے کسی طور اتحاد ممکن نہیں، دونوں جماعتوں سے ہاتھ ملایا تو جدوجہد اور اقتدار میں آنے کا سارا مقصد ہی فوت ہوجائے گا،ن لیگ اور پیپلزپارٹی اپنی سیاہ کاریوں کے باعث انتخابات میں شکست سے دوچار ہوں گی،یک انصاف کی محنت کا مقصد پاکستان کو زوال سے نکال کر عروج کی جانب گامزن کرنا ہے، پانامہ مقدمے کے ٹرائل نے عوام میں
کرپشن کیخلاف بے پناہ شعور اجاگر کیا۔ چیئرمین تحریک انصاف نے برطانوی نشریاتی ادارے کیساتھ اہم امور پر اظہار خیال کرتے ہوئے کہا کہ ن لیگ اور پیپلزپارٹی اپنی سیاہ کاریوں کے باعث انتخابات میں شکست سے دوچار ہوں گی،ن لیگ اور چند مخصوص عناصر پاکستان کو انتخابات میں ناروا گھسیٹ رہے ہیں، عمران خان نے کہا انتخابات میں بڑا مقابلہ تحریک انصاف اور ن لیگ کے مابین ہو گا، نوشتہ دیوار پڑھ کر نون لیگ اور پیپلز پارٹی سمیت سٹیٹس کو کی جماعتوں نے دھاندلی کا شور مچانا شروع کر دیا ہے، تحریک انصاف کی محنت کا مقصد پاکستان کو زوال سے نکال کر عروج کی جانب گامزن کرنا ہے، انہوں نے کہا پانامہ مقدمے کے ٹرائل نے عوام میں کرپشن کیخلاف بے پناہ شعور اجاگر کیا ہے، آج قوم کا بچہ بچہ سمجھ بیٹھا ہے کہ کرپشن کیسے اسکی زندگی متاثر کرتی ہے، قوم جان چکی ہے کہ کرپشن کی موجودگی میں انسانوں کی ترقی کیلئے وسائل دستیاب نہیں، عمران خان نے کہا ملک میں اصلاحات کیلئے واضح اور فیصلہ کن مینڈیٹ نہایت اہم ہے، شریفوں کی نون لیگ اور آصف زرداری کی پیپلز پارٹی سے کسی طور اتحاد ممکن نہیں، دونوں جماعتوں سے ہاتھ ملایا تو جدوجہد اور اقتدار میں آنے کا سارا مقصد ہی فوت ہوجائے گا۔
