کالعدم تنظیموں کی الیکشن میں شرکت،ان کو روکنا ہماری ذمہ داری نہیں بلکہ کس کی ذمہ داری ہے؟سیکرٹری الیکشن کمیشن کا حیرت انگیز موقف سامنے آگیا

21  جولائی  2018

اسلام آباد (این این آئی)سیکرٹری الیکشن کمیشن بابر یعقوب نے کہا ہے کہ کمیشن پر کسی ادارے کا کوئی دباؤ نہیں اور انتخابات وعدے کے مطابق صاف اور شفاف ہونگے ٗ کسی سیاسی جماعت کو مہم سے نہیں روکا گیا ہے ٗ تمام جماعتیں اپنی انتخابی مہم چلا رہی ہیں ٗ جہاں سے شکایت موصول ہوتی ہے ایکشن لیا جاتا ہے ٗ اقوام متحدہ کی فہرست میں جو تنظیمیں شامل ہیں ان کو انتخابات میں حصہ لینے کی اجازت نہیں ہے ٗ پولنگ سکیم کو بہت جلد گوگل میپ پر جاری کر دیا جائیگا۔

ہفتہ کو الیکشن کمیشن کے باہر میڈیا کو بریفنگ دیتے ہوئے انہوں نے کہاکہ انتخابی کمپین بغیر کسی رکاوٹ کے جاری ہے اور جہاں سے بھی رکاوٹوں کی شکایات موصول ہوتی ہیں تو فوری طورپر ایکشن لیا جاتا ہے ۔جہاں سے شکایات موصول ہوئی تھیں تو چیف الیکشن کمشنر نے خود نوٹس لیتے ہوئے متعلقہ اداروں کو ایکشن لینے کیلئے خطوط لکھے تھے ۔کالعدم تنظیموں کے انتخابات میں حصہ لینے والے سوال پر انہوں نے کہاکہ اقوام متحدہ کی فہرست میں جو تنظیمیں شامل ہیں ان کو انتخابات میں حصہ لینے کی اجازت نہیں ہے اور جن تنظیموں پر اعتراض کیا جاتا ہے کہ وہ وزارت داخلہ کی ذمہ داری ہے کہ ان کے بارے میں ہمیں آگاہ کرے ۔انہوں نے کہاکہ انتخابات کی سکیورٹی کیلئے فوج اور پولیس کے تقریباً آٹھ لاکھ اہلکار ڈیوٹی دینگے جن میں سارھے تین لاکھ فوجی اور ساڑھے چار لاکھ پولیس کے اہلکار شامل ہونگے ۔انہوں نے کہاکہ 2018کے انتخابات کیلئے انتظامات 2013کے انتخابات سے بہت بہتر ہیں ۔انہوں نے کہاکہ سکیورٹی کی ذمہ داریوں کیلئے تمام اہلکار الیکشن کمیشن آف پاکستان کے کوڈ آف کنڈکٹ کے تحت کام کرینگے ۔انہوں نے کہاکہ غیر ملکی مبصرین کو انتخابات سے متعلق مکمل بریفنگ دی گئی ہے ۔انہوں نے کہاکہ سرکاری نتائج کا اعلان پی ٹی وی سے کیا جائیگا

ایک سوال پر انہوں نے کہاکہ کسی سیاسی جماعت کو مہم سے نہیں روکا گیا ہے اور تمام جماعتیں اپنی انتخابی مہم چلا رہی ہیں ۔ سیکرٹری الیکشن کمیشن نے کہاکہ یہ تاثر غلط ہے کہ کسی ادارے نے الیکشن کمیشن کے ساتھ تعاون سے انکار کیا ہے انہوں نے کہاکہ الیکشن کمیشن میں فوج ٗ عدلیہ اور صوبائی حکومتوں سے جو بھی مدد مانگی ہے وہ فراہم کی گئی ہے ۔انہوں نے کہاکہ تمام ادارے الیکشن کمیشن کے ساتھ تعاون کررہے ہیں اور الیکشن کمیشن پر کوئی دباؤ نہیں ہے

انہوں نے کہاکہ پولنگ سکیم کو بہت جلد گوگل میپ پر جاری کر دیا جائیگا ۔سابق وزیر اعلیٰ پرویز خٹک کی الیکشن کمیشن کے اس فیصلے کے خلاف کہ ان کا نتیجہ ان کے خلاف غلط زبان استعمال کر نے کے فیصلے سے مشروط ہے تو سیکرٹری الیکشن کمیشن نے کہاکہ اب پرویز خٹک نے عدالت میں جانے کا فیصلہ کیا ہے تو عدالت ہی اس کا فیصلہ کریگا ۔ بابر ایعقوب نے کہاکہ انہوں نے سینٹ کو بھی یقین دہانی کرائی تھی کہ انتخابات صفاف اور شفاف ہونگے ۔

انہوں نے کہاکہ الیکشن کمیشن ٗ پارلیمنٹ نے بنایا ہے اور پارلیمنٹ کے بنائے ہوئے اصولوں کے مطابق کام کررہا ہے ۔ایک سوال پر انہوں نے کہاکہ گزشتہ چند دنوں میں تقریباً ستر ہزار لوگوں نے 8300پر ایس ایم ایس کے ذریعے اپنے ووٹ کے بارے میں معلومات حاصل کیں ۔انہوں نے کہاکہ پنجاب اور کے پی کے میں 96فیصد پولنگ اسٹیشن بہتر ہوئے ہیں ۔انہوں نے کہاکہ الیکشن کی تیاریاں پلان کے مطابق صحیح سمت میں جاری ہیں ٗانتخابی سامان کی ترسیل میں

جہاں دشواری پیش آئی، ازالہ کردیا گیا ٗپوسٹل بیلٹ پیپر پر کڑی نظر رکھی گئی ہے کہ غلط استعمال نہ ہوٗپوسٹل بیلٹ پیپر کا آڈٹ کیا جائیگا۔ انہوں نے کہاکہ چاروں چیف سیکرٹری نے بریف کیا ہے کہ سی سی ٹی وی کیمرے لگ چکے ہیں۔انہوں نے کہاکہ انتخابی عمل آئین پاکستان کے تحت الیکشن کمیشن کروا رہا ہے ۔ سیکرٹر ی الیکشن کمیشن نے بتایا کہ نابینا افراد کے ووٹ ڈالنے کے لیے خصوصی اقدامات کیے گئے ہیں ٗصوبائی حکومتوں کو ہدایات جاری کی تھیں کہ پولنگ اسٹیشنز کو بہتر بنایا جائے۔



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…