لاہور (مانیٹرنگ ڈیسک) تحریک انصاف کے چیئرمین عمران خان کی سابق اہلیہ ریحام خان نے ایک نجی ٹی وی چینل کے پروگرام میں بات چیت کرتے ہوئے کہا کہ مجھے فخر ہے کہ میں جمائما کی طرح نہیں ہوں، ریحام خان نے کہا کہ میں کوئی یہودی یا مغربی خاتون نہیں ہوں، انہوں نے کہا کہ مجھ میں اور جمائما میں بہت فرق ہے، میں مختلف خاندان سے تعلق رکھتی ہوں، ریحام خان نے گفتگو کرتے ہوئے کہا کہ میں نے عمران خان سے شادی ایک مختلف نیت سے کی جبکہ میری شادی اور طلاق بھی مختلف حالات

میں ہوئی، ریحام خان نے کہا کہ میں کسی طرح بھی نہیں چاہتی کہ لوگ جمائما یا مجھ میں کوئی مشابہت دیکھیں یا ہمیں ملانے کی کوشش کریں، انہوں نے کہا کہ میں نے اپنے بھائی، اپنے باپ یا اپنے شوہر پر بوجھ نہیں بنی۔ میں اپنا کماتی ہوں اور اپنا کھاتی ہوں، ریحام خان نے ایک سوال کا جواب دیتے ہوئے کہا کہ مجھے اُمید ہے میری کتاب انتخابات سے پہلے ہی آ جائے گی، انہوں نے کہاکہ میں کتاب کو شائع کروانے کی پوری کوشش کر رہی ہوں۔ انہوں نے کہاکہ میں اور جمائما دو مختلف خواتین ہیں۔