اسلام آباد (مانیٹرنگ ڈیسک)لاہور سمیت پنجاب کے مختلف شہروں میں وقفے وقفے سے ہونے والی بارش نے موسم خوشگوار بنادیا۔جمعے کو پنجاب کے مختلف شہروں میں بارش اورٹھنڈی ہوائیں چلنے سے موسم خوشگوار ہوگیا، شہری موسم کے مزے لینے نکل پڑے۔لاہور، فیصل آباد،ساہیوال، اوکاڑہ ،قصور ،گجرات اور پاک پتن میں موسلا دھار بارش سے جل تھل ایک ہوگیا،بارش سے گرمی اور حبس کا زور کم ہوا تو کئی علاقوں کی سڑکیں اور گلیاں پانی میں ڈوب گئیں۔
کراچی میں گزشتہ روز ہلکی بارش کے بعد حبس نے شہریوں کو مشکل میں ڈال دیا،عمر کوٹ سمیت اندرون سندھ کے مختلف علاقوں میں بھی بادلوں نے انٹری دی۔ محکمہ موسمیات کے مطابق پنجاب کے مختلف شہروں سمیت کراچی اور اندرون سندھ میں وقفے وقفے سے بارش کا سلسلہ جاری رہے گا۔گزشتہ 24 گھنٹوں کے دوران گوجرانوالہ، لاہور، بہاولپور،ٹھٹہ،حیدرآباد، کراچی ڈویژن میں کہیں کہیں جبکہ راولپنڈی،سرگودھا ڈویژن اور گلگت بلتستان میں چند مقامات پرتیزہواوٗں اور گرج چمک کیساتھ بارش ہوئی۔ ملک کے دیگر علاقوں میں موسم گرم اور خشک رہا۔ سب سے زیادہ بارشسندھ:ڈہلی 80، چھور44، چھاچرو40،مِٹھی33، ڈپلو 24، بدین 07،کولائی 04،کراچی (جناح ٹرمینل، لانڈھی 02)، پنجاب:سیالکوٹ( ائیرپورٹ 45، کینٹ 40)، قصور38،گوجرانوالہ 28، لاہور (پنجاب یونیوسٹی23، سٹی21، ائیرپورٹ19)،اوکاڑہ 18، بہاولنگر، ساہیوال 08، گجرات 06، فیصل آباد 02،گلگت بلتستان: سکردو12 اور استور میں 02ملی میٹر بارش ریکارڈ کی گئی۔گزشتہ روز ریکارڈ کیےگئےگرم ترین مقامات کے درجہ حرارت: تربت 47 ،سبی 46، روہڑی 44، شہیدبینیظیرآباد 43، لسبیلہ، نوکنڈی، پنجگور میں 42 ڈگری سینٹی گریڈ ریکارڈ کیا گیا۔
