لاہور(نیوز ڈیسک) سابق وفاقی وزیر ریلوے خواجہ سعد رفیق نے کہا ہے کہ عمران خان ضعیف الاعتقاد آدمی ہے جو وزیر اعظم بننے کیلئے سجدے کر رہا ہے برنال تیار نہیں ہوئی ان کے جلنے کا علاج 25جولائی کو عوام شیر پر مہر لگائیں‘سردار ایاز صادق کا بھی مقابلہ اے ٹی ایم کے ساتھ ہے

جدھر دیکھو اے ٹی ایم ہی نظر آرہی ہے عمرے پر چارٹرطیارے پر لیجاتاہے کروڑوں روپے کہاں سے آتاہے؟ دو لاکھ روپے ٹیکس دیتاہے مقابلہ گالی اور دلیل کارکردگی اور الزامات کا مقابلہ ہو گا‘ ہم نے گالی کا جواب گالی سے نہیں دیا شہبازشریف قائم علی شاہ اور پرویز خٹک کی پرفارمنس نکال لو ہم نے بیس یونیورسٹی بنائی ہے ہم نے میٹرو بنائی تو اسے جنگلہ بس کا طعنہ دیتا رہاہماری نقل پر پشاور کھود دیا۔ اپنے انتخابی حلقے میں جلسے سے خطاب کے دوران خواجہ سعد رفیق نے کہا کہ یاسین سوہل کے مقابلے میں اے ٹی ایم کھڑی کردی ہے پیسہ نہیں کارکردگی جیتے گی پچاس کروڑ روپے کا پول بنایاہے پانچ ہزار پوسٹر لگا رہے ہیں الیکشن کمیشن نے چشمہ لگایاہوا ہے ضابطہ اخلاق کی دھجیاں اڑائی جارہی ہیں۔ انہوں نے کہا کہ اگر کر پشن کی ہوتی تو نواز شریف کو بیٹے سے تنخواہ نہ لینے پر نکالانہ جاتا‘برنال تیار نہیں ہوئی ان کے جلنے کا علاج 25جولائی کو عوام شیر پر مہر لگائیں۔