لاہور(نیوز ڈیسک) تفصیلات کے مطابق تحریک انصاف کے چیئرمین عمران خان نے ٹکٹوں کی تقسیم کے معاملے پر ناراض لاہور کی تنظیم کے رہنماؤں ولید اقبال کی قیادت میں شیخ امتیاز محمود، نعیم الحق، طاہر رشید، طارق حمید، ملک عثمان حمزہ اور میاں اویس انجم سے ملاقات کی اور گلے شکوے سنے۔ عمران خان نے رہنماؤں کو موجودہ سیاسی صورتحال میں بعض فیصلوں کو مشکل قرار دیکران کے پس منظر پر روشنی ڈالی۔ عمران خان نے لاہور کی تنظیم کی قربانیوں اور پارٹی کے ساتھ

وفاداری کو خوب سراہا ، انہوں نے ولید اقبال سے وعدہ کیاکہ این اے 131سے کامیابی کے بعد ان کی سیٹ پر ضمنی الیکشن میں ولید اقبال ہی امیدوار ہوں گے۔ اس موقع پرانہوں نے شیخ امتیاز محمود کی پارٹی کیلئے خدمات کو بھی سراہا۔ ولید اقبال نے لاہور کی تنظیم کی طرف سے عام انتخابات کیلئے تیاری اور ڈور ٹو ڈور مہم بارے چیئرمین کورپورٹ پیش کی اور کہاکہ 25جولائی کا سورج عمران خان کی فتح کا پیغام لیکر طلوع ہوگا، تمام قائدین اپنے جدوجہدکو عملی رنگ دینے کیلئے جان لڑادیں گے۔