اسلام باد (نیوز ڈیسک) سابق وزیراعظم میاں محمد نواز شریف کے انتہائی قریبی دوست اور معروف بزنس مین میاں منشاء کے خلاف نیب نے منی لانڈرنگ کی تحقیقات شروع کر دی ہیں، میاں منشاء کو طلب کرنے کا فیصلہ کر لیا گیا ہے، نیب اس وقت نہایت فعال ہے اور وہ سیاسی و سرکاری شخصیات کے خلاف کارروائیوں میں مصروف ہے،
اب میاں محمد نواز شریف کے قریبی دوست میاں منشاء بھی نیب کے شکنجے میں آنے والے ہیں، واضح رہے کہ معروف بزنس مین میاں منشاء کے خلاف پاکستان ورکرز پارٹی کے سربراہ فاروق سلہریا نے درخواست دی۔ جس میں انہوں نے موقف اپنایا کہ میاں منشا نے 60 کروڑ پاؤنڈ سے برطانیہ میں ہوٹل خریدا ہے، معروف بزنس مین میاں منشاء سے منی ٹریل طلب کی جائے۔
