لاہور (ا ین این آئی) تفصیلات کے مطابق چوہدری نثار کے مخالف مسلم لیگ (ن) کے امیدوار قمرالاسلام کی گرفتاری پر نیب نے پانچ وجوہات کرتے ہوئے ان پر صاف پانی کمپنی کیلئے خریداری میں خورد برد اور انتظامی بے ضابطگیوں کے الزامات عائد کیے ہیں۔نیب اعلامیہ کے مطابق قمرالاسلام کی گرفتاری کی پانچ ٹھوس وجوہات ہیں،وہ صاف پانی کمپنی کی پریکیورمنٹ کمیٹی کے کنوینیئر تھے،
انہوں نے 84 واٹر فلٹریشن پلانٹ کی خریداری میں خورد برد کی،انجینئرنگ تخمینے کے بغیر بولی کی منظوری دی گئی،قمرالاسلام نے بدنیتی پر مبنی مہنگے داموں خریداری کی منظوری دی اور قمرالاسلام نے غیر قانونی طریقے سے کام کی نوعیت کو تبدیل کیا۔خیال رہے کہ انجینئر قمرالاسلام اس وقت جسمانی ریمانڈ پر نیب کی تحویل میں ہیں، ان کے بیٹا بیٹی انتخابی مہم چلا رہے ہیں۔
