لاہور (نیوز ڈیسک) مسلم لیگ (ن) کی مرکزی ترجمان مریم اورنگزیب نے کہا کہ شریف خاندان نے نیب سے 100پیشیاں بھگتی ہیں، نواز شریف اپنی بیٹی کے ہمراہ پیش ہوتے رہے ، ایک پارٹی کا لاڈلاہے جس کے خلاف تحقیقات کو تالا ہے، لاڈلے کی فارن فنڈنگ اور ہیلی کاپٹر کیس کو تالا کیوں لگا؟َ شاہد خاقان عباسی کے خلاف فیصلے کو چیلنج کریں گے، آصف علی زرداری کے کیسز نیب سے غائب ہو گئے۔ بیگم کلثوم نواز کی بیماری پر سیاست کرنے والے ذہنی بیمار ہیں ۔

بدھ کو ترجمان مسلم لیگ (ن) مریم اورنگزیب نے نیوز کانفرنس کرتے ہوئے کہا کہ میڈیا ٹرائل کے باوجود مسلم لیگ (ن) کی مقبولیت میں اضافہ ہوا ہے، (ن) لیگ کے ووٹرز آج پہلے سے زیادہ متحرک ہیں، (ن) لیگ کی مقبولیت کے خوف سے اپوزیشن مختلف حربے استعمال کررہی ہے، شریف خاندان نے نیب سے 100پیشیاں بھگتیں ہیں، نواز شریف اپنی بیٹی کے ہمراہ پیش ہوتے رہے ، مخالف مختلف ہتھکنڈے استعمال کررہے ہیں، ہمارے ووٹرز کا اعتماد بڑھتا جارہا ہے۔ انہوں نے کہا کہ الیکشن کمیشن (ن) لیگ کی شکایات کا نوٹس لینا چاہیے، نیب میں صرف (ن) لیگ کی طلبی ہورہی ہے، پیپلز پارٹیکی کرپشن کی داستانوں کی کوئی خبر نہیں ہے، عوام کی عدالت اصل فیصلہ کرے گی، ہمارے امیدوار جیل کے اندر سے بھی الیکشن میں حصہ لیں گے، ایک پارٹی کا لاڈلاہے جس کے خلاف تحقیقات کو تالا ہے، لاڈلے کی فارن فنڈنگ اور ہیلی کاپٹر کیس کو تالا کیوں لگا؟َ مسلم لیگ (ن) کو شفاف میدان ملنا چاہیے، شاہد خاقان عباسی کے خلاف فیصلے کو چیلنج کریں گے، آصف علی زرداری کے کیسز نیب سے غائب ہو گئے۔ بیگم کلثوم نواز کی بیماری پر سیاست کرنے والے ذہنی بیمار ہیں ، سوشل میڈیا پر بے بنیاد مہم چلائی جارہی ہے۔