تحریک انصاف کو بڑا جھٹکا، اہم ترین رہنما پارٹی سے الگ، آزاد حیثیت سے انتخابات میں حصہ لینے کا اعلان‎

  بدھ‬‮ 13 جون‬‮ 2018  |  21:09

میانوالی (مانیٹرنگ ڈیسک) نوا ب ملک وحید خان نے این اے 95 اور پی پی 85 سے آزاد حیثیت سے کاغذات نامزدگی جمع کرائے ہیں، اس کے علاوہ نوا ب ملک امیر محمد خان نے پی پی 86 سے کاغذات جمع کرائے ہیں، ایک نجی ٹی وی چینل کی رپورٹ کے مطابق الیکشن 2013ء میں دونوں رہنما پی ٹی آئی کا حصہ تھے ، دونوں رہنماؤں نے آزاد حیثیت سے کاغذات نامزدگی جمع کرائے ہیں، واضح رہے کہ پاکستان تحریک انصاف کی جانب سے ٹکٹ نہ ملنے پر نواب آف کالا باغ نے پارٹی کو خیر باد کہنے کا فیصلہ کر

لیا۔میڈیا رپورٹس کے مطابق نواب آف کالا باغ نے ٹکٹ نہ ملنے پر پی ٹی آئی کو چھوڑنے کا فیصلہ کرلیا ہے۔واضح رہے کہ تحریک انصاف کی جانب سے انتخابات 2018 کے لیے ٹکٹوں کی تقسیم میں کئی اہم امیدوار نظر انداز کردیے گئے ہیں جبکہ کئی کو ٹکٹ دینے یا نہ دینے کا فیصلہ مشروط کردیا گیا ہے۔

موضوعات:

آج کی سب سے زیادہ پڑھی جانے والی خبریں