اسلام آباد (نیوز ڈیسک)ملک میں فی تولہ سونا مزید سیکڑوں روپے سستا ہوگیا۔آل پاکستان جیمز اینڈ جیولرز ایسوسی ایشن کے مطابق آج ملک میں سونے کی فی تولہ قیمت میں 460 روپےکمی ہوئی جس کے بعد ملک میں سونےکی نئی قیمت 3 لاکھ 58 ہزار 595 روپے ہوگئی ہے۔

ایسوسی ایشن کے مطابق 10گرام سونےکی قیمت 394 روپے کم ہوکر 3 لاکھ7 ہزار 437 روپے ہوگئی۔دوسری جانب عالمی بازار میں سونےکا بھاؤ 6 ڈالر کم ہوکر 3372 ڈالر فی اونس ہے۔یاد رہےکہ چند دنوں سے سونےکی قیمت میں کمی کا سلسلہ جاری ہے، گزشتہ روز بھی سونے کی فی تولہ قیمت میں 2 ہزار 245 روپے کی کمی ہوئی تھی ۔