اسلام آباد (نیوز ڈیسک) تحریک انصاف کے چیئرمین عمران خان نے سماجی رابطے کی ویب سائٹ ٹوئیٹر پر اپنے پیغام میں کہا تھا کہ اگر تحریک انصاف کا کوئی بھی کارکن پارٹی ٹکٹ دلوانے کے بدلے پیسوں کا تقاضا کرے یا آپ کے علم میں کوئی ایسا امیدوار ہو جو ٹکٹ کے حصول کے لیے پیسے کی پیشکش کرتا ہو تو 0303-5375113 پر اس کی اطلاع دیں۔ عمران خان کا کہنا تھا کہ ٹکٹوں کا حتمی فیصلہ میں خود کروں گا۔ سوشل میڈیا کے صارفین کی جانب
سے عمران خان کے اس فیصلے کو خوب سراہا گیا، واضح رہے کہ ایک نجی ٹی وی چینل کی نشریات میں جب عمران خان کی جانب سے دیے گئے اس نمبر پر رابطہ کیا گیا تو یہ نمبر بند ملا، تحریک انصاف کے چیئرمین عمران خان کی جانب سے دیے گئے اس نمبر کے بند ملنے پر تحریک انصاف کے کارکنوں اور سوشل میڈیا صارفین کی جانب سے تشویش کا اظہار کیا گیا جس میں کہا گیا کہ حیرانی ہے کہ عمران خان کی جانب سے دیا گیا یہ نمبر بند مل رہاہے۔
