اسلام آباد(مانیٹرنگ ڈیسک)پاکستان ریلویز نے پرعیدالفطر کے موقع پر اپنوں کے ساتھ عید منانے کیلئے جانیوالوں کو خوشخبری سنا دی، کرایوں میں 30فیصد کمی کا اعلان۔ تفصیلات کے مطابق پاکستان ریلویز نے عیدالفطر پر کرایوں میں 30 فیصد کمی کا اعلان کیا ہے۔ پاکستان ریلویز کے سی ای او آفتاب اکبر کی زیر صدارت اجلاس ہوا جس میں اے جی ایم ٹریفک عبدالحمید رازی اور دیگر افسران نے شرکت کی۔

اجلاس نے عید پیکج کی منظوری دے دی۔ترجمان ریلوے کے مطابق پاکستان ریلوے اس وقت رمضان پیکج کے تحت ایڈوانس بکنگ پر تمام ٹرینوں کی تمام کلاسز پر کرایوں میں 20 فیصد رعایت دے رہا ہے، تاہم عید کے دونوں دن تمام ٹرینوں کی تمام کلاسز پر کرایوں میں 30 فیصد رعایت دی جائے گی۔ترجمان نے مزید کہا کہ عیدالفطر پر پاکستان ریلویز مسافروں کی سہولت کے لئے اضافی ٹرینیں بھی چلائے گا۔