اسلام آباد(آئی این پی)چین اپنے سینما گھروں کو پاکستانی فلموں کی درآمد،چینی فلمی فیسٹیولوں میں پاکستانی فلمیں متعارف کرانے اور فلمی وٹیلی ویژن پروگراموں کی مشترکہ تیاری کے لیے دونوں ممالک کی فلمی کمپنیوں کے ساتھ تعاون کو فروغ دینے سمیتآرٹ وثقافتی شعبے میں پاکستان کے ساتھ مزید تعاون کے لیے اقدامات کرے گا۔ یہ بات پاکستان میں چین کے سفیر یاؤ جنگ نے عوامی روابط کے
فروغ میں دونوں ممالک کے درمیان جاری تعاون کو اجاگر کرتے ہوئے کیا۔ایک بیان میں یاؤ جنگ نے کہا چین اور پاکستان نہ صرف دوست ہمسایہ ملک ہیں بلکہ دو اہم ایسی قدیم تہذیبیں ہیں جنہوں نے ثقافتی تبادلوں اورباہمی حصول علم میں قریبی مراسم برقرار رکھے ہیں 1951میں سفارتی تعلقات کے قیام کے بعد سے دونوں ممالک نے ثقافتی تبادلوں اور تعاون کے فروغ کے لیے زبردست کوششیں کی ہیں۔
