ٹیکسلا(سی پی پی) پاکستان کے دفاعی پیداوار کے شعبے نے مقامی طور پر تیارکردہ بکتربند گاڑیاں بحرین کو فراہم کرنے کے لیے معاہدے پر دستخط کردیئے۔انٹرسیپٹر نامی یہ بکتر بند گاڑیاں ہلکے ہتھیاروں سے لیس ہے۔ میڈیا رپورٹس کے مطابق اس سلسلے میں ہیوی انڈسٹری ٹیکسلا کے چیف لیفٹیننٹ جنرل نعیم اشرف اور بحرین کے بادشاہ حماد بن عیسی الخلیفہ کے بھائی لیفٹیننٹ جنرل محمد بن عیسی الخلیفہ کے درمیان ایک
یادداشت پر دستخط کیے گئے۔اس موقع پر ان کا کہنا تھا کہ یہ گاڑیاں داخلی صورتحال اور محدود پیمانے پر ہونے والی پرتشدد کاروائیوں کو روکنے کے مقصد کے تحت مسلح افواج کے لیے بنائی جائیں گی۔واضح رہے دفاعی پیداوار کا صنعتی کمپلیکس ہیوی انڈسٹریز ٹیکسلا (ایچ آئی ٹی)، جو ٹینک کی تیاری اور مرمت کے ساتھ فوج کے لیے خاص بکتر بند گاڑیاں بناتا ہے، بحرین نیشنل گارڈز کے لیے 6 عدد انٹرسیپٹرز بنائے گا۔
