کراچی (مانیٹرنگ ڈیسک) خواتین کو دیکھ کر نوجوان نے نازیبا حرکات شروع کر دیں، خاتون نے اس کی اور اس کی گاڑی کی پلیٹ نمبر کی تصویریں لے کر سوشل میڈیا پر ڈال دیں،ایک نجی ٹی وی چینل کی رپورٹ کے مطابق سوشل میڈیا پر تصویر وائرل ہونے پر کراچی پولیس نے از خود نوٹس لیتے ہوئے گاڑی کے نمبر سے اس لڑکے کا ایڈریس حاصل کر لیا ہے اور اس کے گھر چھاپہ بھی مارا ہے، پولیس حکام کا کہنا ہے کہ خاتون کی جانب سے کوئی بھی شکایت تھانے میں درج نہیں کی گئی ہے پولیس کی جانب سے

ازخود کارروائی کی جا رہی ہے، پولیس کا کہنا ہے کہ بہت جلد اس لڑکے کو گرفتار کر لیا جائے گا تاہم ابھی تک پولیس کو کوئی شکایت رجسٹرڈ نہیں کرائی گئی ہے، اس حوالے سے ایس پی توقیر نے کہا کہ ہمارے پاس کوئی باقاعدہ رپورٹ نہیں آئی ہے نہ ہی کسی نے آ کر شکایت کی ہے، سوشل میڈیا پر آنے کی وجہ سے یہ بات سب کے نوٹس میں آ گئی ہے۔ ایس پی کا کہنا تھا کہ اس لڑکے نے انتہائی نازیبا حرکات کی ہیں، اس تمام واقعہ کی تفصیلات جلد سامنے آ جائیں گی، پولیس اس لڑکے کی گرفتاری کی کوشش کررہی ہے۔

موضوعات:نازیبا حرکات