کراچی (این این آئی)تفصیلات کے مطابق حیدری کے علاقے بلاک ایچ میں چندروز قبل گھر کے اندرنسرین اور رابعہ کے قتل کے الزام میں پولیس نے رابعہ کے والد عرب گل اور اسکے کزن زاہد کو گرفتار کر لیا ،پولیس کے مطابق ملزم عرب گل کو شک تھا کہ رابعہ نسرین کے بھائی سےرابطہ میں ہے اور نسرین کواس بات کا علم ہے جس پر رابعہ کے والد عرب گل نے نسرین کو گھر بلایا تھا ۔پولیس کا کہنا ہے کہ تلاشی کے دوران گھر سے ایک

پستول اور گولیوں سے بھرے دو میگزین بھی ملے ہیں اور جس وقت قتل کی واردات ہوئی اس وقت رابعہ کا کزن زاہد اور والد عرب گل دونوں موجود تھے ۔قتل کی واردات کے بعد اہلخانہ کا پولیس سے تعاون نہ کرنا اور مقدمہ درج نہ کروانا بھی پولیس کو شک میں مبتلا کر چکا تھا ۔پولیس نے ملزمان کے خلاف عدالت سے 4 روز کا ریمانڈ حاصل کر لیا ہے اور برآمد ہونے والی پستول بھی فرانزک کے لیئے بھیج دی گئی ہے۔