لاہور (مانیٹرنگ ڈیسک) سینئر سیاسی رہنما جاوید ہاشمی کے حوالے سے ایک نجی ٹی وی چینل کے ذرائع نے دعویٰ کیا ہے کہ ان کا ن لیگ میں شمولیت کا امکان ہے۔ واضح رہے کہ 11 مئی کو مسلم لیگ (ن) ملتان میں جلسہ کر رہی ہے اور سابق وزیراعظم میاں محمد نواز شریف کی جانب سے جاوید ہاشمی کو ن لیگ کے جلسے میں شرکت کی دعوت دے دی گئی ہے، ذرائع کا
کہنا ہے کہ ن لیگ کے اس جلسے کے دوران جاوید ہاشمی کا ن لیگ میں باضابطہ شمولیت کے اعلان کا بھی امکان ہے۔ سینئر سیاسی رہنما جاوید ہاشمی تحریک انصاف کے چیئرمین عمران خان سے اختلافات کی وجہ سے تحریک انصاف سے الگ ہو گئے تھے، جاوید ہاشمی نے دوبارہ اپنی سیاسی سرگرمیوں کا آغاز کردیا ہے اورممکنہ طور پر وہ ن لیگ میں شمولیت کرنے والے ہیں۔
