کراچی(آئی این پی )تفصیلات کے مطابق بلاول بھٹو زرداری نے عمران خان کو حکیم سعید گراؤنڈ میں جلسہ کرنے کی پیشکش کردی، کراچی ہمارا شہر ہے کہیں بھی جلسہ کر سکتے ہیں ،پی ٹی آئی نے 12مئی کو مزار قائد پر جلسہ کرنے کا اعلان کیا تھا،پی ٹی آئی کا جلسے کا مقام تبدیل کرنے کا اقدام اشتعال انگیز تھا۔منگل کو سماجی رابطے کی ویب سائٹ ٹوئٹر پر اپنے ٹوئٹ میں بلاول بھٹو زرداری نے عمران خان کو حکیم سعید گراؤنڈ میں جلسہ کرنے کی پیشکش کردی ہے ۔انہوں نے کہا کہ کراچی ہمارا شہر ہے
کہیں بھی جلسہ کر سکتے ہیں ۔ پیپلزپارٹی نے شہداء کو خراج عقیدت پیش کرنے کیلئے حکیم سعید گراؤنڈ میں جلسہ پلان کیا تھا۔ پی پی پی کو حکیم سعید گراؤنڈ میں جلسہ کرنے کی اجازت مل گئی تھی ۔ پی ٹی آئی نے 12مئی کو مزار قائد پر جلسہ کرنے کا اعلان کیا تھا۔ پی ٹی آئی نے اچانک جلسہ کا پلان تبدیل کر کے حکیم سعید گراؤنڈ میں کیمپ لگا لیا ۔ پی ٹی آئی کا جلسے کا مقام تبدیل کرنے کا اقدام اشتعال انگیز تھا۔ بلاول بھٹو نے پارٹی رہنماؤں کو ہدایت کی ہے کہ جلسے کیلئے کوئی دوسرا مقام تلاش کیا جائے ۔(ن م)
