لاہور ( این این آئی) نومسلم بھارتی خاتون سے شادی کرنے والا پاکستانی نوجوان محمد اعظم روزگار کے لیے سعودی عرب چلا گیا۔تفصیلات کے مطابق محمد اعظم نے نومسلم بھارتی خاتون کرن بالا سے 16 اپریل کو لاہور میں شادی کی تھی، کرن بالا 12 اپریل کو سکھ یاتریوں کے ساتھ پاکستان آئی تھی، یہاں اس نے جامعہ نعیمیہ لاہور میں نہ صرف اسلام قبول کرکے اپنا نام آمنہ رکھ لیا ۔بلکہ اسلام قبول کرنے کے اگلے ہی روز محمد اعظم سے شادی کرلی تھی۔محمد اعظم لاہور کے علاقہ ہنجروال کا رہائشی ہے اور گزشتہ چند برس

سے سعودی عرب میں ایلومنیم کی فیکٹری میں ملازم ہے۔ اعظم اورکرن بالا کی سوشل میڈیا پر دوستی بھی سعودی عرب قیام کے دوران ہوئی تھی۔محمداعظم نے بتایا کہ اس کی بیوی بہت اچھی ،ملنسار اور محبت کرنے والی ہے، اسے اسلام کی تعلیمات میں بہت دلچسپی ہے، دو ماہ بعد اس کے بھائی کی شادی ہے اور وہ دوبارہ واپس آجائے گا، سوشل میڈیا پر اس کا روزانہ اپنی بیوی سے رابطہ رہتا ہے۔واضح رہے کہ آمنہ کی دستاویزات میں اسکا  مذہب تاحال  ہندواور اس میں تبدیلی کے بعد ہی وہ سعودی عرب عمرہ کیلئے جا سکتی ہے۔