اسلام آباد (آئی این پی) وزیر مملکت برائے داخلہ طلال چوہدری نے کہا ہے کہ لوگوں کو حقیقی طور پر ووٹ ڈالنے کی اجازت ہونی چاہئے‘ وزیر داخلہ احسن اقبال پر حملہ افسوسناک ہے‘ احسن اقبال مڈل کلاس طبقے سے تعلق رکھنے والا پاکستان کا بیٹا ہے ‘ جس ملک کا وزیر داخلہ زخمی ہوجائے اس ملک کا کیا امیج ہوگا‘ بروقت انتخابات کے لئے کسی قربانی سے دریغ نہیں کریں گے‘ (ن) لیگ قیادت کو

سیاست سے دور کرنے کی سازش ہورہی ہے۔ پیر کو میڈیا سے گفتگو کرتے ہوئے طلال چوہدری نے کہا کہ جس ملک کا وزیر داخلہ زخمی ہوجائے اس سے ملک کا کیا امیج ہوگا۔ پاکستان کا نقصان ہوا تو پاکستان کا کیا بنے گا۔ اس ملک میں آئین توڑا گیا جن کو ہم بناتے رہے وہ پاکستان توڑنے کی بات کرتے رہے۔ لوگوں کو حقیقی طور پر ووٹ ڈالنے کی اجازت ہونی چاہئے ۔ وزیر داخلہ احسن اقبال پر حملہ افسوسناک ہے (ن) لیگ کی اکثریت کو توڑتے توڑتے ملک کا کیا حشر کردیا۔ انہوں نے کہا بروقت انتخابات کے لئے کسی قربانی سے دریغ نہیں کریں گے۔ لوگوں کے ووٹ سے ہی ملک کی قیادت ہونی چاہئے کیا وزیر داخلہ پر حملہ صرف ایک سیاسی جماعت کے قائد پر حملہ ہے۔ ہم اس ملک کو بہت آگے لے کر چلے گئے تھے۔ انہوں نے کہا سی پیک بن رہا ہے‘ انتہا پسندی یہاں نہیں رہنے دیں گے‘ ایل اے 120 میں انتخابی مہم سب نے دیکھی ۔ 1980 کی دہائی میں ہم نے ایسے فیصلے کئے ہم نے غلط فیصلوں سے انتہا پسندی پیدا کی۔ نواز شریف کو روکنے کے لئے اب ملک کا حشر کیا جارہا ہے۔ (ن) لیگ کی قیادت کو سیاست سے دور کرنے کی سازش ہورہی ہے اس سازش میں ہم ملک کو کہاں لے کر جارہے ہیں این اے 120 میں انتہا پسند جماعتوں کو آگے لایا گیا۔ ہم مشکل دور سے گزر جائیں گے پاکستان کا کیا بنے گا احسن اقبال مدل کلاس طبقے سے تعلق رکھنے والا پاکستان کا بیٹا ہے۔