لاہور(آئی این پی) لاہور سمیت صوبہ بھر کے وکلا کے لئے بڑی خوشخبری‘لاہورہائیکورٹ نے چھ سو سے زائد سول ججز کی خالی آسامیوں پر رواں ہفتے براہ راست بھرتی کرنے کا فیصلہ۔چیف جسٹس لاہورہائیکورٹ محمد یاورعلی کی منظوری کے بعد رواں ہفتے سول ججز کی بھرتی کیلئے درخواستیں طلب کی جائیں گی اور وصولی کی آخری تاریخ دوجون ہوگی، بی اے ایل ایل بی ،
دو سالہ وکالت ، بائیس سے پنتیس سال کی عمر کے حامل وکلا درخواستیں دینے کے اہل ہوں گے۔چار ہزار فیس ناقابل واپسی جمع کروانی ہوگی، اکتوبر، نومبرمیں لا ،انگلش، اردو اور دیگر مضامین کا تحریری امتحان لیا جائیگا، جبکہ جنرل نالج کا پیپر معروضی سوالات کا ہوگالاہور، فیصل آباد، گوجرانوالہ، سرگودھا ڈویڑن کے امیدواروں کا امتحان لاہوربورڈ کے امتحانی مراکز میں، جبکہ جنوبی پنجاب کے امیدواروں کا ملتان اور شمالی اضلاع کے امیدواروں کیلئے راولپنڈی میں سنٹر بنیں گے، امیدواروں کو سات سو نمبرز کے پیپرزسے پاس ہونے کیلئے پچاس فیصد نمبر حاصل کرنا لازمی ہوگا۔
