اسلام آباد(آئی این پی)مسلم لیگ (ن)کے سینئر رہنما اور سابق وزیر خارجہ خواجہ محمد آصف نے کہا ہے کہ اللہ تعالیٰ احسن اقبال کو زندگی دے ، مذہبی،نسلی ، سیاسی تفریق اوراختلافات کو جسطرح ذاتی اور گروہی مفادات کے لیے استعمال کیا جاتاہے ، یہ غلط ہے ،اس آگ سے کسی کا دامن محفوظ نھیں رہے گا،منا فرت کا عفریت سب کچھ تباہ و برباد کر دیگا۔اتوار کو وزیر داخلہ احسن

اقبال پر قاتلانہ حملے کی مذمت کرتے ہوئے اپنے ٹوئٹر پیغام میں خواجہ محمد آصف نے کہا کہ مذہبی،نسلی ، سیاسی تفریق اوراختلافات کو جسطرح ذاتی اور گروہی مفادات کے لیے استعمال کیا جاتاہے۔اس آگ سے کسی کا دامن محفوظ نہیں رہیگا،منا فرت کا عفریت سب کچھ تباہ و برباد کر دے گا۔خدا کے لئے ہم سب کو مل کرگھر درست کرنا ہے۔انہوں نے کہا کہ اللہ احسن اقبال کو زندگی دے۔