لاہور (آئی این پی) وزیراعلیٰ پنجاب محمد شہباز شریف نے کہا ہے کہ جتنے منصوبے موجودہ دور میں مکمل ہوئے ان کی مثال نہیں ملتی‘ عمران نیازی اور آصف زرداری نے عوام کو مایوسی کے سوا کچھ نہیں دیا‘ انرجی بحران اور دہشت گردی کا خاتمہ (ن) لیگ کا اعزاز ہے۔ اتوار کو وزیراعلیٰ پنجاب سے وزیر دفاع خرم دستگیر نے ملاقات کی جس میں سیاسی امور اور ملکی صورتحال پر تبادلہ خیال کیا گیا۔
شہباز شریف نے کہا کہ مسلم لیگ (ن) نے پانچ برس شب و روز عوام کی خدمت کی انرجی بحران اور دہشت گردی کا خاتمہ (ن) لیگ کا اعزاز ہے جتنے منصوبے موجودہ دور میں مکمل کئے ان کی مثال نہیں ملتی۔ عمران نیازی اور زرداری نے عوام کو مایوسی کے سوا کچھ نہیں دیا ملک میں ترقی کا تسلسل (ن) لیگ ہی برقرار رکھ سکتی ہے۔ ہمیں موقع ملا تو سندھ اور کے پی کے میں ترقی کے ریکارڈ قائم کریں گے۔
