اسلام آباد(مانیٹرنگ ڈیسک)مشکلات میں گھرے شریف خاندان کیلئے بڑی خوشخبری ،مریم نوازنانی بن گئیں ،نجی ٹی وی کے مطابق مریم نواز کی بڑی صاحبزادی اور چوہدری منیر کی بہو مہر النساءکے ہاں بیٹی کی ولادت ہوئی ہے۔مریم نواز کی نواسی کی پیدائش لاہور کے ایک نجی ہسپتال میں ہوئی ہے جس کے بعد مریم نواز نانی،
کیپٹن (ر) صفدر نانا اور نواز شریف پڑنانا بن گئے ہیں۔ واضح رہے کہ مہرالنساء کی شادی چوہدری منیر کے صاحبزادے راحیل منیر کے ساتھ 2015 میں ہوئی تھی جبکہ نکاح کی تقریب مسجد نبوی ؐ میں ہوئی تھی ۔ مہرالنساء کی رخصتی جاتی امرا رائے ونڈ سے ہوئی تھی جس میں بھارتی وزیر اعظم نریندر مودی بھی شریک ہوئے تھے۔
