اسلام آباد (مانیٹرنگ ڈیسک)” نیو اسلام آباد ایئر پورٹ کسی غریب پاکستانی کا اُدھڑا ہوا لباس معلوم ہوتا ہے “ اینکر پرسن اقرارالحسن جب نیو ائیر پورٹ پہنچے تو ایسا کیا دیکھا کہ وہ یہ لکھنے پر مجبور ہوگئے ؟ وہ واقعہ کیا تھا جس نے نئے ائیرپورٹ کا پول کھول کر رکھ دیا ۔ نیواسلام آباد ایئرپورٹ منصوبے پر سیاست چمکانے کیلئے جلدبازی میں افتتاح تو کردیا گیا لیکن اس کی یہ عوام کو دیگر سہولیات کی فراہمی سے میں ناکامی دکھائی دیتی ہے ۔

نجی ٹی وی کے معروف اینکر پرسن اقرار الحسن آج نیو ائیر پورٹ پہنچے تو انہیں اپنا حاصل کرنے کیلئے کافی طویل انتظار کرنا پڑا ہے ۔ انہوں نے ائیر پورٹ کے حالت زار کی ویڈیو بھی سوشل میڈیا کی ویب سائٹ پر شیئر کی جس میں واضح دیکھا جا سکتا ہے کہ حکومت کی جلد بازی نے نیو ائیر پورٹ میں کافی مسائل چھوڑے ہیں ، اسکرینرز بندجبکہ کنوئیر بیلٹ پر جمی ہوئی مٹی کو واضح طور پر دیکھ کر اس بات کا بخوبی اندازہ لگایا جاسکتا ہے کہ نیو ائیر پورٹ کن مسائل کا شکار ہے ۔ ٹوئٹر پر اقرا رالحسن نے لکھا ” پھر کہتے ہیں عوام خراب ہے،صبح ساڑھے آٹھ بجے انتہائی ایکسائٹمنٹ کے ساتھ اسلام آباد کے نئے ایئرپورٹ پر لینڈ کیا، اسکرین پر وقت 9 بج کر 14منٹ ہو رہے ہیں، 45 منٹ سے بیلٹ پر سامان نہیں آیا، سکرینز پر کچھ نہیں لکھا ، کس فلائٹ کا سامان کہاں ہے اور کنویئر بیلٹ پر ایک ایک انچ مٹی ہے“۔