لاہور(مانیٹرنگ ڈیسک) وفاقی اور پنجاب حکومت کی جانب سے بجٹ پیش کرنے کا اقدام لاہور ہائیکورٹ میں چیلنج کر دیا گیا ۔ درخواست پاکستان عوامی تحریک کے رہنما خرم نواز گنڈا پور نے اشتیاق چوہدری ایڈووکیٹ کی وساطت سے دائر کی جس میں موقف اختیار کیا گیا ہے کہ حکومت کی آئینی مدت ختم میں 44روز باقی ہیں ،وفاقی اور پنجاب حکومتیں
جلد بازی میں نیا بجٹ پیش کرنا چاہتی ہیں ، دونوں حکومتیں بجٹ کے ذریعے الیکشن کی مہم چلانا چاہتی ہیں، آئین کے تحت موجودہ حکومتوں کو اس وقت نیا بجٹ پیش کرنے کا اختیار نہیں ، حکومتی اقدام آئین کے آرٹیکل5کی خلاف ورزی ہے لہٰذا معزز عدالت سے استدعا ہے کہ حکومت کو بجٹ پیش کرنے سے روکنے کے احکامات جاری کیے جائیں۔
