اسلام آباد (نیوز ڈیسک) ماروی میمن جو کہ مسلم لیگ (ن) کی ہی رہنما ہیں اپنی جماعت کے خلاف بول اٹھیں، واضح رہے کہ ماروی میمن سماجی رابطے کی ویب سائٹ ٹوئٹر پر اپنے ٹوئیٹ میں اپنی جماعت کے خلاف ہی بول اٹھیں، انہوں نے کچھ عرصہ قبل بھی ایک ٹویٹ کے ذریعے ن لیگ پر لفظی وار کیے، اب ایک بار پھر ماروی میمن نے اپنے ٹویٹ میں کہا کہ جن کی وجہ سے دھرنے ہوئے
بد قسمتی سے وہ آج بھی کامیاب ہیں، انہوں نے مزید کہا کہ جو اُس وقت جی حضوری کے بغیر کام کر رہے تھے انہیں سائیڈ پر کر دیا گیا، انہوں نے کہا کہ پارٹی کو مشکل وقت میں کڑوا سچ بتانے والوں کی ضرورت ہوتی ہے،گن گانے والوں کی نہیں۔ ماروی میمن نے کہا کہ رائے کے مخالف جانے والے کو باغی قرار دیا جاتا ہے، اس جماعت میں بد قسمتی سے صرف جی حضوری چل رہی ہے۔
