اسلام آباد(مانیٹرنگ ڈیسک)احتساب عدالت اسلام آباد میں مریم نواز کے وکیل امجد پرویز اور نیب پراسیکیوٹر کے درمیان تلخ کلامی ، نیب پراسیکیوٹر افضل قریشی نے کہا کہ آپ سوال کے بعد تبصرہ نہ کریں ، کیس کی حدود کے اندر رہتے ہوئے سوالات کرنا آپ کافی ہے ۔ امجد پرویزنے کہا کہ میں سوال کررہا ہوں تبصرہ نہیں کررہا ہوں اس پر افضل قریشی نے
کہا کہ حضور والا یہاں جلسہ نہیں ہورہا بلکہ عدالت ہے آپ کے پیچھے لوگ کھڑے ہیں انہیں پتہ ہونا چاہیے یہ جلسہ گاہ نہیں آپ سوال کرکے ان لوگوں سے کمنٹس لیتے ہیں اور پھر تبصرہ کرتے ہیں اس پر امجد پرویز نے کہاکہ افضل قریشی صاحب آپ کی خبر آج اخبار کی زینت بنی ہوئی ہے جس میں آپ نے عمران خان کی شادیوں کا تذکرہ کیا تھا۔
