اسلام آباد (مانیٹرنگ ڈیسک)پی ٹی وی حملہ کیس میں انسدا د دہشتگردی عدالت نے پی ٹی آئی کے رہنما جہانگیرترین کی ضمانت منظور کرتے ہوئے ایک لاکھ روپے کے ضمانتی مچلکے جمع کروانے کا حکم دیدیا۔ تفصیلات کے مطابق پی ٹی وی حملہ کیس میں انسداد دہشتگردی عدالت میں آج سماعت ہوئی۔ اس موقع پر پی ٹی آئی رہنما جہانگیر ترین انسداد دہشت گردی کے جج کوثر عباس زیدی کے رو برو پیش ہوئے۔

انسداد دہشت گردی کی عدالت نے پی ٹی آئی کے رہنما جہانگیر ترین کی عبوری ضمانت منظور کرتے ہوئے ایک لاکھ روپے کے مچلکے جمع کروانے کا حکم دے دیا ہے۔جب کہ کیس کی سماعت 16 اپریل تک ملتوی کر دی گئی ہے۔واضح رہے کہ 2014میں تحریک انصاف کے حکومت مخالف دھرنے کے دوران عمران خان سمیت پی ٹی آئی کے دیگر رہنمائوں کے خلاف مقدمات درج کئے گئے تھے جن میں سے پی ٹی وی حملہ کیس بھی شامل ہے۔