راولپنڈی(آئی این پی) تحریک انصاف کے چیئرمین عمران خان نے کہا ہے کہ شریف مافیا منی لانڈرنگ میں ملوث ہے، یہ عوام کا پیشہ لوٹ کر کھاگئے، میں 22برس سے (2018) کے انتخابات میں ہونے والے میچ کا نتظار کررہا تھا، میٹرو ٹرین کا آدھا پیسہ اگر تعلیم ، صحت اور صاف پانی پر لگ جاتا تو راولپنڈی ترقی کرجاتا، ہم ہر ے پاسپورٹ کی دنیا بھر میں عزت کرائیں گے۔ راولپنڈی میں ممبر سازی مہم کے دوران کارکنوں سے خطاب کرتے

ہوئے عمران خان نے کہا کہ موجودہ سال نئے پاکستان اور تبدیلی کا سال ہے، شریف مافیا عوام کا پیسہ منی لانڈرنگ سے باہر منتقل کرتا ہے، میٹرو ٹرین پراجیکٹ کا آدھا پیسہ پینے کے پانی، تعلیم اور صحت پر لگتا تو آج راولپنڈی کے حالات بہت بہتر ہوتے۔ہم نے اس مافیا کو شکست دیں گے، مخالفین کو پھینٹا لگائوں گا، میں اس میچ کا 22برس سے انتظار کررہا تھا ، ہمارے دور میں ہرے پاسپورٹ کی دنیا بھر میں عزت ہوگی۔

موضوعات:عمران خان