اسلام آباد (آئی این پی) پاکستان اور افغانستان کے مابین الیکشن ورکنگ گروپس فعال بنانے پر اتفاق ہوا ہے‘ پاکستان افغانستان کی زیر قیادت امن و مفاہمت کی حمایت کرے گا۔وزیراعظم شاہد خاقان عباسی کے دورہ افغانستان کے حوالے سے دفترخارجہ کی جانب سے جاری ہونے والے بیان میں بتایا گیا ہے کہ پاکستان اور افغانستان نے ایکشن پلان فار پیش اینڈ سالیڈیریٹی کے تحت ورکنگ گروپس کو فعال بنانے پر اتفاق کیا ہے جب کہ پاکستان افغانوں کی

زیرِقیادت امن و مفاہمت کی حمایت کرے گا۔دفترخارجہ کے مطابق دونوں ممالک نے ایک دوسرے کی جغرافیائی اور فضائی حدود کے احترام پر بھی اتفاق کیا اور اس عزم کا اعادہ کیا کہ ایک دوسرے کے خلاف کسی بھی ملک، نیٹ ورک یا گروپ کو اپنی سرزمین استعمال نہیں کرنے دیں گے بلکہ ایک دوسرے کے لئے خطرہ بننے والے عناصر کے خلاف مثر کارروائی کی جائے گی۔ دونوں ممالک نے ایک دوسرے پر الزام تراشی سے گریز اور اس کے بجائے ایکشن پلان میکنزم کے استعمال پر اتفاق کیا۔

موضوعات:پاکستان ،افغانستان ،الیکشن ورکنگ گروپس