لاہور( این این ائی)پاکستان پیپلزپارٹی پارلیمنٹرینز کے سربراہ و سابق صدر مملکت آصف زرداری نے کہا ہے کہ نوازشریف کو بار بار بچایا لیکن انہوں نے ہماری پیٹھ میںچھرا گھونپا۔سابق صدر آصف زرداری سے پیپلزپارٹی کے رہنما عامر حسن نے ملاقات کی جس میں پارٹی امور اور سیاسی صورتحال پر گفتگو کی گئی۔اس موقع پر گفتگو
کرتے ہوئے آصف زرداری نے کہا کہ بڑی کوشش کی کہ نوازشریف ٹھیک ہوجائیں اور جمہوری سیاست کریں، ہم نے جمہوریت کی خاطر نوازشریف سے مفاہمت بھی کی لیکن اس کے باوجو وہ نہ سدھر سکے۔انہوںنے کہا کہ نوازشریف کو بار بار بچایا لیکن انہوں نے ہماری پیٹھ میں چھرا گھونپا، وہ جمہوریت اور ملک کے لیے نہیں بلکہ اپنی ذات کے لئے سیاست کرتے ہیں۔
