اسلام آباد(مانیٹرنگ ڈیسک) اسلام آباد کے نئے انٹرنیشنل ائیرپورٹ پر آزمائشی پروازوں کا باقاعدہ آغاز (آج)ہفتہ سے ہو رہاہے ، ایئرپورٹ پر لینڈ کرنے والی پہلی آزمائشی پرواز پی آئی اے کی ہوگی جس کے ذریعے قومی ایئرلائن کے ملازمین کے اہل خانہ نئے ایئرپورٹ پرپہنچیں گے تاہم نیو اسلام آباد ایئر پورٹ کا
باقاعدہ افتتاح20اپریل کو ہوگا ۔ ہفتہ کو نیو اسلام آباد ایئرپورٹ پر پہلا طیارہ لینڈ کرے گا ۔ پہلی آزمائشی پرواز پی آئی اے کی ہوگی جس کیلئے پی آئی اے ملازمین کے اہل خانہ ایئرپورٹ آئیں گے ، نیو اسلام آباد ایئرپورٹ کا باقاعدہ افتتاح20اپریل کو ہوگا جس کے بعد مقامی اور بین الاقوامی پرواز یں اڑان بھر سکیں گی۔
