اسلام آباد( این این آئی)ججز حضرات آرٹیکل 62اور63 کو چھیڑیں نہ اس پر فیصلہ دیں، ہم نہیں چاہتے کہ کل عدلیہ کے معیار پر سوالیہ نشان لگے،چیف جسٹس صاحب نے گزشتہ روز بڑے کام کی باتیں کی ہیں،ان کے منہ میں گھی شکر لیکن اگر ہم سیاستدان ایسی بات کریں تو کہا جاتا ہے کہ آئین کو پامال کردیا گیا، جب سب آئین کی پاسداری کریں گے تو لڑائی ختم ہو جائے گی۔ان خیالات کا اظہار پختونخوا ملی عوامی پارٹی کے سربراہ محمود خان اچکزئی اوروفاقی وزیر برائے سمندری امور میر حاصل خان بزنجو نے سابق وزیر اعظم محمد نواز شریف سے

اظہار یکجہتی کیلئے احتساب عدالت آمد کے موقع پر گفتگو کرتے ہوئے کیا ۔رہنماؤں نے کہا کہ ملک میں قانون کی بالادستی اور صوبوں کے حقوق کیلئے طویل جدوجہد کی گئی ہے،میاں صاحب ملک میں چھوٹے صوبوں کی حاکمیت چاہتے ہیں۔انہوں نے کہا کہ نوازشریف روزعدالت میں پیش ہوتے ہیں عدلیہ کو ان کے اس عمل کو سراہناچاہیے ،ایک ہفتے سے جوجرح چل رہی ہے لگتا ہے کیس میں کچھ نہیں ہے۔ججزکوچاہیے کہ آرٹیکل 62اور63 کو نہ چھیڑیں نہ اس پر فیصلہ دیں، ہم نہیں چاہتے کہ کل عدلیہ کے معیار پر سوالیہ نشان لگے۔