اسلام آباد (مانیٹرنگ ڈیسک)نواز شریف کی نااہلی سے چند روز قبل ڈاکٹر طاہر القادری کی کوہ طور پر کی گئی دعا کی ویڈیو وائرل ہو گئی ۔ تفصیلات کے مطابق عوامی تحریک اور منہاج القرآن کے سربراہ ڈاکٹر طاہر القادری کی نواز شریف کی نا اہلی سے چند روز قبل کوہ طور پر کی گئی دعا کی ویڈیو سوشل میڈیا پر وائرل ہو گئی ہے جس میں دیکھا جا سکتا ہے کہ طاہر القادری ماڈل ٹاؤن کے قاتلوں کو انجام تک پہنچانے کی دعائیں مانگ رہے ہیں، واضح رہے کہ طاہر القادری کی کوہ طور پر دعا کی یہ ویڈیو نواز شریف

کی نا اہلی سے چند روز قبل کی ہے جس میں طاہر القادری اس مقدس پہاڑ پر انتہائی جذباتی انداز میں سانحہ ماڈل ٹائون میں بیگناہ افراد کے قاتلوں اور سانحہ کے منصوبہ سازوں کے عبرتناک انجام کیلئے ہاتھ اٹھا کر دعا مانگ رہے ہیں۔ طاہر القادری کی کوہ طور پر پاکستانی حکمرانوں کے انجام کیلئے دعا کی ویڈیو سوشل میڈیا پر وائرل ہونے پر سوشل میڈیا صارفین کے تبصرے بھی سامنے آئے ہیں جن کا کہنا ہے کہ نواز شریف کا انجام دیکھ کر لگتا ہے کہ طاہر القادری کی دعا قبولیت کا درجہ پا گئی ہے۔

موضوعات:طاہر القادری کوہ طور نواز شریف نا اہلی