سجاول(نیوز ڈیسک)ضلع سجاول کی تحصیل میرپور بھٹورو کے شہر دڑو میں میں بااثر افراد نے لڑکے کو زیادتی کا نشانہ بنا ڈالا، ملزمان نے متاثرہ لڑکے کی ویڈیو سوشل میڈیا پر ڈال دی۔میر پور بھٹورو میں ملزمان نے زیادتی کی ویڈیو بنا کر سوشل میڈیا پر ڈال دی۔ زیادتی میں ملوث ملزم سلیم گگو محکمہ صحت میں اسٹنٹ ای سی جی ہے دوسرا ملزم صالح میمن بھی محکمہ صحت کا ملازم ہے۔

تیسرا ملزم ارباب ابراہیم پیپلز پارٹی تحصیل میرپور بھٹورو کا جنرل سیکرٹری ہے ۔زیادتی کے بعد نوجوان کے والدین سیاسی شخصیت کی دھمکیوں کی وجہ سے شہر کو چھوڑ کر حیدر آبادمیں شفٹ ہو گئے ہیں۔ اس واقع بعد شہریوں میں شدید غم و غصہ ہے شہریوں کا مطالبہ ہے کے اس واقعہ کا اعلی عدلیہ نوٹس لے اور ملزموں کو عبرت ناک سزا دی جائے۔ذرائع کے مطابق سوشل میڈیاپر نوجوان سے اجتماعی جنسی زیادتی اور انسانیت سوز حرکت کی بنائی گئی وڈیو منظرعام پر آنے کے بعد دڑو اور بٹھورو میں احتجاج کا سلسلہ شروع ہوگیاہے ، مختلف ذرائع سے ملنے والی معلومات کے مطابق ملزمان نے واقعے کی وڈیوبناکرخودہی سوشل میڈیاپر اپ لوڈ کی ، جبکہ زیادتی کے شکارنوجوان کا تعلق دڑو شہرسے ہے ،وڈیومیں دیکھاجاسکتاہے کہ پانچ سے چھ ملزمان کی موجودگی میں نوجوان پرکاش ولد گنگارام کو ننگاکرکے اس کے ساتھ زیادتی کی جارہی ہے ،جبکہ وڈیومیں تین ملزمان کے چہرے صاف نظرآرہے ہیں ،ادھر میڈیارپورٹس کے مطابق نوجوان جئے پرکاش کو چندماہ قبل زیادتی کا نشانہ بنایاگیا،واقعے کے بعد متاثرنوجوان کے والدین نقل مکانی کرکے حیدرآباد منتقل ہوگئے جبکہ پولیس کے علم میں بات آنے کے باوجود کوئی کاروائی کرنے کے بجائے معاملے کو دبانے کے لئے متاثرنوجوان کے والدین پر دباؤ ڈالاگیاہے ،میڈیارپورٹس کے مطابق پی پی بٹھورو کے جنرل سیکریٹری اور ڈسٹرکٹ کونسل رکن ارباب ابراہیم کی موجودگی میں ملزمان نے زیادتی کی ،

جن میں محکمہ صحت کے ملازمین صالح میمن اور سلیم گگو کے چہرے وڈیو میں واضع نظرآرہے ہیں ،مذکورہ وڈیو منظرعام پر آنے کے بعد پولیس کی جانب سے کوئی کاروائی نہ کی گئی ہے جبکہ واقعے کے خلاف علاقے میں شدید ردعمل پایاجاتاہے ، اور میرپوربٹھورو میں احتجاجی مظاہرہ کرکے ملزمان کو گرفتارکرنے کا مطالبہ کیاگیاہے ادھر میڈیارپورٹس کے بعد صوبائی ویزداخلہ سہیل انور سیال نے نوٹس لیکر ایس پی سجاول سے رپورٹ طلب کرلی ہے ۔

موضوعات:لڑکے کو زیادتی کا نشانہ بنا ڈالا