اسلام آباد (مانیٹرنگ ڈیسک)عمران خان کے دیرینہ دوست اور پانامہ کیس کے دوران تحریک انصاف میں شامل ہونے والے معروف قانون دان نعیم بخاری نے انکشاف کیا ہے کہ عمران خان پنچ وقتی نمازی بن چکے ہیں اور اب خبر یہ ہے کہ شادی کے بعد وہ پانچ نہیں بلکہ 7وقت کی نماز پڑھ رہے ہیں۔ نجی ٹی وی ’نیوز ون‘کے پروگرام میں خاتون اینکر نادیہ مرزا کے ساتھ دو روز قبل پروگرام

میں بات کرتے ہوئے کہا کہ عمران خان پانچ نہیں بلکہ سات وقت کی نماز پڑھ رہے ہیں۔نعیم بخاری جو اپنے مزاحیہ انداز اور فی البدیہہ جملوں کی وجہ سے جانے جاتے ہیں نے پروگرام کے دوران عمران خان کی مذہب سے دلچسپی کے حوالے سے دلچسپ گفتگو کرتے ہوئے کہا کہ تحریک انصاف کے کارکنان عمران خان کی جگہ کسی اور کو قائد ماننے کو تیار نہیں لیکن عمران خان کو چاہیے کہ وہ تحریک انصاف کو خود کسی کے حوالے کرکے جائیں۔ وہ تحریک انصاف کسی نوجوان کے سپرد کرتے ہوئے کہیں کہ الحمد اللہ اب میں شادی شدہ ہوں ، میںنے پڑھ لکھے نوجوان طبقے کو سیاست میں لانے کیلئے یہ جماعت بنائی تھی اب وہ اس کو سنبھالیںاور خود اپنی زندگی خوشگوار انداز میں گزاریں۔ نعیم بخاری کا کہنا تھا کہ خان صاحب پانچ وقت کی نمازیں پڑھتے ہیںاور شادی کے بعد خبر یہ ہے کہ وہ سات وقت کی نماز پڑھ رہے ہیں۔ یہ کہہ کر نعیم بخاری ہنس پڑے اورعمران خان سے معذرت کرتے ہوئے کہاکہ خان صاحب معاف کردینا ، آپ کو پتہ ہے میں بھانڈوں کی طرح کئی جگہ بات کردیتا ہوں، آپ کو یہ بھی پتہ ہے کہ میں آپ سے عشق کرتا ہوں، میں کہہ چکا ہوں کہ وہ مائیں ختم ہوگئیں جوآپ جیسا بچہ پیدا کرسکیں لیکن اگر لیڈر پر تھوڑا سا ہنس لیا جائے تو کوئی قیامت نہیں آجاتی ۔نعیم بخاری نے پروگرام کے دوران تحریک انصاف میں قیادت کی تبدیلی کے حوالے سے عندیہ بھی دیا ہے۔