اسلام آباد (مانیٹرنگ ڈیسک)وزیراعلیٰ شہباز شریف کی لندن میں اہم برطانوی اور امریکی شخصیات سے ملاقاتیں، سابق وزیر خزانہ اسحاق ڈار کی شمولیت کا بھی انکشاف۔ میڈیا رپورٹس کے مطابق شہباز شریف کی لندن میں اہم برطانوی اور امریکی شخصیات سے ملاقاتوں کا سلسلہ جاری ہے اور ان کے ہمراہ ان ملاقاتوں میں سابق وزیر خزانہ اسحاق ڈار کی بھی موجودگی کا انکشاف ہوا ہے۔ اطلاعات کے مطابق وزیراعلیٰ شہباز شریف نے لندن میں
اپنے قیام کی مدت میں اضافہ کر لیا ہے۔ شہباز شریف کی اہم پاکستانی شخصیت اور لاہور میں سابق امریکی قونصل جنرل سے ملاقاتیں بھی ہوئی ہیں۔ یہ ملاقاتیں لندن کے سنٹرل ہوٹل میں ہوئیں۔جب کہ ملاقات میں شہباز شریف کے ساتھ سابق وزیر خزانہ اسحاق ڈار بھی موجود تھے۔بتایا جا رہا ہے کہ ممکنہ طور پر لندن میں کچھ ایسے معاملات طے کیے جا رہے ہیں جن کا تعلق پاکستانی سیاست سے ہےتا کہ آئندہ عام انتخابات کے لئے راہ ہموار کی جاسکے۔
