اسلام آباد (این این آئی) الیکشن کمیشن نے کہا ہے کہ مسلم لیگ (ن) میں آزاد سینیٹروں کی شمولیت کی درخواست مسترد کئے جانے کی خبریں درست نہیں ہیں، الیکشن کمیشن کا سینیٹ میں آزاد اراکین کا کسی پارٹی میں شمولیت سے کوئی سروکار نہیں ہے۔ بدھ کو الیکشن کمیشن کے ترجمان نے اس حوالہ سے سامنے آنے والی خبروں کی وضاحت کرتے ہوئے کہا کہ الیکشن کمیشن کا سینیٹ میں آزاد اراکین کا کسی پارٹی میں
شمولیت سے کوئی سروکار نہیں ہے۔ انہوں نے کہا کہ مسلم لیگ (ن) میں آزاد سینیٹروں کی شمولیت کی درخواست مسترد کئے جانے کی خبریں درست نہیں ہیں، کسی پارٹی میں شمولیت کیلئے آزاد اراکین کو درخواست چیئرمین سینیٹ کو دینا ہوتی ہے، سینیٹ کے اراکین کے حوالہ سے الیکشن کمیشن میں ایسا کوئی قانون نہیں ہے۔ انہوں نے کہا کہ آزاد سینیٹر چیئرمین سینیٹ کے ذریعے کسی بھی پارٹی میں شمولیت اختیار کر سکتے ہیں۔
